Denbora ellegaturik

Denbora ellegaturik,

atra ze eguzki berrina

zerutik agerturik,

Jesus andik etorria.

Iluntasunak argitu,

bideak tu erakusten,

gaitz guziak kenzen ditu

ta on guziak ematen.

Jangoiko jaunaren ona

guretako nola den,

progu Jangoiko gizona

Jesus ona dugu emen.

Obra on ta milagroak

egitea anitz bada,

baña trabaju alakoak

pasatzea iago da.

Zergatik, Jesus, pasatu

ainberze orrek zergatik?

Sobra den ona, ta amatu

sobra duen, orgatik.

Baña amatuek amatu

bearrean, kontra egin;

nai zute ori akabatu,

naiz berak bai desegin.

Nola tzakurra eror dena

jokatzen ozkatzera

bere jabe jautsi dena

butzutik atratzera.

Lenbiz galzale galduak

alzindu zire juduak,

beren ustes bai sanduak,

baña egiaz deabruak.

Judaseki tratu inzute

ogei ta amar dirutan;

merke Jauna ikusten dute

berla beren eskutan.

Traidoreak apareki

Jesus entregaturik,

berla kate sokaeki

daramate loturik.

Ala presentaturik

Anasi Jaun onegia,

beira ia golpaturik

bofetadas aurpegia.

Orduraño egondu ze

Jaun ona ixil ixila,

orduan mintzatu ze

bearres humil humila:

Gaizki mintzatu banaiz,

erran zadazu zertan;

ezperen, zergatik naiz

heritua gis ortan?

Nior fabore an etze,

naiz egia ezaundurik;

Jaun ona gelditu ze

aurpegia ubeldurik.