Jesusen predikazio
ta gañarakoaren

Bada predikatzen

Jesus zebilalaik,

ama akonpañatzen

atzetik zoeielaik,

etze sollik bere

on, aitzen zuelaik,

bai berze askoren ere.

Maestra goneki

santa Magadalena

atrazen obeki

diszipula obena;

gero konpañia

berze sandaena,

guzien ama Maria.

Zenbat on eskatu

amak, anbat eman,

eta anbat obratu

semeak, nola erran?

Ezta nion onik,

eztateke ere izan

bat ere eman eztionik.

Asko obra onetan

milagro len lena,

Kanako bodetan

Jaunak in zuena,

amaren amorez

inzue zeikena

sollik beraren podores.

Konbit zutenean

ardo faltaturik,

oben obenean,

eztutela ardorik,

amak erran zio,

naiz ez eskaturik,

bai aditzera eman zio.

Jaunak laster eder

du bai entendatu:

Niri ta zuri zer

zaigu? da mintzatu;

zer prisa zurea?

Ezta ellegatu

oraño ordua nerea.

Amak ikusten du

Jaunaren barrena,

eta abisatzen du

jende etxeko dena:

Zuek adi zaze

manatzen duena,

dena dela kunpli zaze.

Ures betetzeko

ur-onzia, zio;

ta andik ermateko

berla atrarik, dio,

maipurukoari.

Akar iten dio

onek nobio jaunari:

Guziek paratzen

ardo ona lenean,

ta txarrena atratzen

ase daudenean;

baña zuk, gizona,

orai azkenean,

nondik ardo gau ain ona?

Ardo ona amorea

Jangoikoagana:

Nor da faborea

eginen didana?

Ama liberala,

au da zure lana,

ikusirik eztudala.

Ama semearen

lagun da onetan,

baitare beraren

gaitz eta penetan:

Amore andiak

guzi guzietan

elkarrenak ditu biak.

Semerik obenak

du gizonkietan

pasatzea penak,

emastekietan

amarik obenak,

kargatus bietan

gure guzi guzienak.

Gizonki batetik

gure perdizioa,

emaste batetik

aren prinzipioa:

Jangoiko gizona

gure salbazioa,

birjin ama lagun ona.