Ala nola txakurttoa

Ala nola txakurttoa

bere jaunare maipean,

ala nago probettoa

ni betiro orren menean.

Idiak bere jabea,

astoak bere ganbela

ezauntzen, ta ezaungabea

gizona izan datekela!

Jabe, nausi, jaun burua

Jesus ona, ez permiti

izan naien ain itsua

munduan orreki ni.

Ezauntzen dut ene jabe

Jesus ona, ta nai dut;

niondik nik ori gabe

onik batere ezpaitut.

Astoko gonen ganbela

maigoi estimatzen dut,

ta emen zebatzen direla

aingeruak uste dut:

Ta erregalo erreala

au dutelaik an zeruan,

emen ere dabiltzala

aingeruak inguruan.

Aiek ere mai gontatik

Jesus dute gustatzen,

ta duen gusto onagatik

bere eriak txupatzen.

Aingeru ederren erdian

astoko itsusia maiz

jaun onaren ausardian

maiera ellegatzen naiz.

Astoko bat izanik

nainuke egon orreki;

ni bota bereganik

ez, bai lotu bereki.