(Altxaturik iruzkia)

Altxaturik iruzkia

belo garren atzean,

bai ene biotzean

itxeki bez su bizia.

Jesus Jaunak amazen

lurreko arima pobrea!

Nola arimak amorea

Jesus Jaunai ukazen?

Biotz txarra, zergatik

amanterik obenai

eztiozu onetsi nai?

Txar izanes, orgatik.

Bera da guzis noblea,

guzis abrats liberala,

guzis eder, nai bekala

guzis ona ta amablea.

Amanterik andiena

gure arimen da Jesus:

Nola amore gonen sus

ezta erretzen bizi dena?

Gure billa zerutik

etorri zen, ta guzia

in gugatik, ta bizia

eman zuen gogotik.

Infernura botarik

gindeude ia gu gizonak;

atra gaitu Jesus onak

infinito kostarik.

Ta guzien ondorean

zer ai da ala altxaturik?

Preso dago loturik

bere amoreen katean.

Lenik preso portalean,

preso gero baratzean,

gero preso pilarean,

preso gero gurutzean.

Portalean paxaeki,

baratzean kateeki,

pilarean sokaeki,

gurutzean itzeeki.

Baña nork zuke lotu?

Etzen aski paxarik,

itze, kate, sokarik:

Amoreak egin du.

Nork zezake garaitu

Sanson dibino andi ona?

Baña niork etzukena

amoreak egin du.

Nondik nora apaldu du,

nork ta nola Jangoikoa?

Nork eztaki? Milagroa

amoreak egin du.

Aur txipia ama Marian,

gero gaixto-gisa galdu,

orai berriz ala apaldu

ogiaren idurian.

Ain andia ta ain txipi,

Jesus, ori enegatik;

badakusat zergatik:

amorosteagatik ni.

Barin badut biotzik,

Jesus, nai dut, ilartaño,

ori iago guziak baño,

ori nai dut bakarrik.

Nola bear dut amatu

ain amante ta amablea?

Ain onegi ta noblea

nola bear dut pagatu?

Enegatik jaiorik,

bizi ta iltze enegatik,

eneki dago orañik!

Nork ikusi alakorik?

Sal duzuen traidoreak,

an dirutan itsuski,

ta emen doaiik ederki

orra emanik amoreak.

An utzi zen atratzera

bere odola dolores;

orai emen amores

orra emanik edatera.

An juduek zatikatzen

guzia llagaturik;

bera emen paraturik

bere llagak presentatzen.

An il zuten gurutzean,

nola balitz bekatari,

ta utzi da gure janari

bera onegis aldarean.

Ene arimaren esposo

ta erregalo barnera,

ala eldu da ematera

ezin iagos amoroso.

Zer nai du, ene Jesus ona,

enebaitan sarturik?

Besarka arrapaturik

salbatu bere gizona.

Pegatu bere onetik

nai dida, Jesus, niri,

ez nazaten an utzi

eskojituen etxetik.

Jesus esposo, ta esposa

arima kontatzen da;

ori errege; au inen da

beras erreina ditxosa.

Zeruko prenda tugunak

orrek on utzitigu:

Zer emanen eztigu

bera dena eman digunak?

Amen goneki bidean

indar ta konsolu dut,

ta oneki sinesten dut

bai atra salbo postrean.

An goiti gero glorian

gozatu berorreki,

kantatus alegreki

aingeruen konpañian.

Jesus ene salbadore

beti izan ta izanen da;

salbatzea segur da,

baitu amore ta podore.

Orai emen kurturik

oren oñetan, Jesus,

diot amoresko sus

negarretan urturik:

Barkatu, Jauna, barkatu

niri bere onagatik;

otoi otoi orgatik

ez nazala kondenatu.

Grazia ta gloria nik ez

eztut merexi; orrek bada

zu merexi, eman bezada;

orren onak supli bez.

(Ad majorem Dei gloriam)