Mezaren...

Or dugu meza, non

sakrifikatzen den

Jangoikoa gizon,

ta presentatzen den

ain nola axuria,

ta manso ofratzen den

guzia guti iduria.

An presentatzentu

pena pasatuak,

an erakustentu

llaga markatuak,

an bere on guziak

dauzki prestatuak,

ontzeko ilak ta biziak.

An quadratzen dio

Semeak Aitari;

an beiratzen dio

Aitak Semeari:

Ta au da ene Semea,

dio zeruari,

guzis niri quadrablea.

Jakin meza zer den,

nauzu, ta zertako:

Da gauzarik oben

obena onerako,

lurrean, zeruan,

guzietarako,

ta purgatorioko suan.

Zeruan Jaunari

honra, plazer, esker;

Ama Birjinari

asko gloria eder,

ta du sandueri

ematen alaber

nai dutena guzieri.

Daudenei pagatzen

susko penaeki,

emen presentatzen

diote, zereki

aisago pagatu,

ta axuriareki

alibiatu ta libratu.

Bada munduari

datorkion ona,

ofratus Jaunari

Jangoiko gizona,

eztaike pondera,

zeren on zaiona

emateko, dago bera.

                Gizonen amores

Gizonen amores

guziak itentu,

gizonak fabores

andik betetzentu,

faltak suplitzentu,

onak ekartzentu,

ta gaitzak desterratzentu.

Jauna an aplakatus

digu piedade,

zeñeki barkatus

ainberze maldade,

zirenak galduak,

ines karidade,

itentu onak ta sanduak.

Kulpak baikaturik,

ezpa daude penak

ongi pagaturik,

axuriarenak

dezazke suplitu

faltatzen direnak,

ta ala gu kitto gelditu.

Grazian daudenei

diote aumentatzen,

birtute dutenei

geiago oberatzen

axuri humanoak,

heriak sendatzen,

ta sendotzentu sanoak.

Au dela medio,

gaitz guziendako

bada erremedio,

baitare onendako

bada emanzalea,

zergatik ortako

da Jesus salbazalea.

Emen gorputzaren,

emen arimaren,

emen bizitzaren,

emen eriot zaren,

nai barin badugu,

on den guziaren

giltza ta jabea dugu.

Atozte enegana,

zio zegonean

agerri; du gana

bera dagonean

estali, itzultzeko

gaizkiak onean,

ta on guzies betetzeko.

                Zer inen ginduke

Zer inen ginduke

desterru tristean

guk, ezpaginduke

Jesus aldarean,

memorialeeki

doaiena lenean,

ta mereximentueki?

Estado tristea

desterratuena,

baldin Jaun maitea

desegiten dena

sakrifikaturik

gure amores dena

ezpagindu altxaturik!

Aitak beiraturik

Seme guzis ona,

sakrifikaturik

ofratzen zaiona

an gizonagatik,

maite du gizona,

ongi egines beragatik.

Lan gau egunoro

Jesusek iten du,

eta ala aldioro

penak berritzentu

lengoak ederki,

ta presentatzentu

guziak emen bereki.

O meza sandua,

Jesusek egina;

mundua galdua

ze, zu ezpazina;

orai ia zureki

dugu nai adiña:

Jangoiko bera gureki.