12. KAPITULUA

Komuniatzerat doanak artha handienarekin
behar duela bere hihotza aphaindu.

        1. JESUSEK. Ni niz! garbitasunaren adiskidea eta ni ganik dathor arimaren saindutasuna. Bihotz garbiaren ondotik nabil eta han dut nere pausa-lekua. Aphaint ezadazu jan-toki handi bat eta Bazkoko bildotsa zure etxean janen dut nere dizipuluekin.

        Zure ganat jin eta zu baitan egon nadin nahi baduzu, aurtik zazu altxagarri zaharra eta garbi zure bihotzaren barnea. Khen handik munduko gogoetak eta jaidura tzarren burrunba. Bazterreko hegatz-azpi batean nigar-ttinttaka ari den etxe-txoria bezala, erabilzkitzu bihozminekin gogoan zure bekatuak.

        Adiskideak adiskidearentzat du alabainan bethi leku hoberena eta ederrena aphaintzen eta hola dio erakusten zer atxikimenduz dion idekitzen athea.

        2. Jakin zazu bizkitartean, nahi duzuna eginik ere, zure bihotzaren aphaintzeko ez zirela zeure baitarik on, urthe bat osoa ar bazinite ere, bertzerik deus gogoan gabe. Nere oneziari eta graziari esker zaitzu xoilki mahain saindurat hurbiltzea zilegi, hala nola eskaleari aberats baten aphairurat, ez baitezake bertzalde hak ere bere ezagutza erakuts esker on batzu umilki bihurtuz baizik.

        Zuk zure egin-ahala egizu, egin arthazki, eta ez bertzeek bezala egiteko edo ezinbertzez; bainan beldurrekin, jauspenekin, amodiorekin har zazu zure ganat jiteko aski ona den Jainko Jaun maitearen Gorputz Saindua. Nik zitut deitu, jiteko nik dautzut manatu; eskas duzuna nik betheko dut, zato eta har nezazu.

        3. Khartsutasunaren grazia emaiten dautzutalarik, bihur eskerrak Jainkoari: grazia hori ez baitzinuen hartze, bainan ni zutaz urrikaldurik baituzu bildu. Grazia hori ardiesten ez baduzu eta zure bihotza agorrago baduzu senditzen, are gehiago egizu othoitz eta auhen; atheari jotzetik ez bara, nere mahainetik papur zerbait edo graziaren ur salbagarrietarik ttintta bat ukan artio.

        Zuk duzu nere beharra, nik ez dut zure beharrik. Ez zira zu nere saindutzerat heldu, ni nathor zure hobetzerat eta saindutzerat. Nere ganat heldu zira saindutzeko eta nerekin bat egiteko, grazia berri baten ukaiteko eta geroago hobeki bizitzerat zure bihotzaren sustatzeko. Grazia hori ez othoi gutiz utz, bainan, Jesus maitearen zeure baitarat sar-arazteko, aphaint zure bihotza artha handienarekin.

        4. Ez zira xoilki komuniatu aitzin behar izan khartsu, bainan khar hori ondoan ere behar duzu lehiaz atxiki. Komunione ondoan bildu bildua egoiteko, ez da komunione aitzin bihotzaren aphaintzeko baino artha gutiago behar. Komunione ondoan bildu bildua egoitea, ezen, da grazia gehiagoren ardiesteko bide hoberena.

        Komuniatu orduko kanpoko atseginetarat doana, biziki gaizki dabil grazia hoien ardiesteko. Urrunt zite solas alferretarik, egon bakhar bakharrik eta goza zure Jainkoaz. Mundu guziak ebasten ahal ez dautzuna bihotzean duzu alabainan. Niri behar zira eman osoki: hemendik harat ez zu baitan, bainan ni baitan griñarik batere gabe, zitezen bizi.