HAMAZAZPIGARREN KAPITULUA

Iesus-en errezibitzeko amorio irakinaz, eta afekzione bortitzaz.

Iesustiarraren hitzak

        1. O Jauna, beregaineko debozione, eta erretzen nauen amorio batez, ene bihotzeko afekzione eta indar guziez desiratzen dut zure errezibitzera hainitz arima sainduk eta debozionetsuk errezibitzen zinituztenean desiratu zaituzten bezala, zeinak bere bizitze sainduaz zure gogarakoak izan baitira, eta xoil debozione beroa ekarri baiterautzute.

        O ene Jainkoa, egundainoko amorioa, ene ontasun guzia, mugarri gabeko doatsutasuna, badut guthizia zure errezebitzeko egundaino zure sainduetarik nihork izan duen eta huneraino sentitu eta frogatu ahal duen desir handienaz eta erreberenzia humillenaz.

        2. Eta debozionezko sentimendu hek guziak merezi eztitudalarik badarik ere presentatzen derauzkitzut ene bihotzeko afekzioneak, arima prestuen desir suakartu zure gogarako hek guziak neronek banitu bezala.

        Bai eta zer ere bihotz debot batek gogora, endellega, eta desira baitezake, hura guzia erreberenzia guziz handi, eta berodura xoil barreneko batez ekartzen derautzut eta ofrendatzen.

        Eztut deus ere enetzat lekatu, ez soberatu nahi, aitzitik nahi derauzkitzut, bai neure burua, bai neure diren guziak gogotik eta borondatez sakrifiziatu.

        Ene Jainko jauna, ene Kreatzaillea eta Salbatzaillea desiratzen dut egun zure errezebitzera Andre Dona Maria Birjina loriosa, zure ama guziz sainduak desiratu eta errezebitu zaituen bezalako afekzione, erreberenzia, laudorio, ohore, esker, merezimendu, amorio, fede, esperanza, eta garbitasun guziekin, zu gizon eginen zinelako misterioaren berria ekarri zioen Angeruari humilki eta debotki ihardetsi zioenean: Huna ni Jaunaren neskatoa egin bekit zure hitzaren arauera.

        3. Eta nola Jondone Joanni Batista, zure aitzindari doatsu, sainduen beregainekoa, zure presenzian bozkarioturik jausika hari izan baitzen Espiritu Sainduak emanikako graziaz, oraino bere amaren sabelean zegoelarik; eta gero ikusi zuenean bere Iesus maiteak gizonen artean zebillala ibilten, hagitz humildurik gogo debotaz erraiten baitzuen: Esposaren adiskidea, xutik dagoena, eta hura enzuten duena, bozkarioz bozten da esposaren mintzoa eta hitzak aditurik hala nik ere guthizia saindua, eta desir handia dut amoriozko kar biziez erretzeko, eta zuri bihotz osoz neure buruaren presentatzeko.

        Halakotz ofrendatzen derauzkitzut arima debot guzien alegrianzak, afekzione pitstuak, espirituzko eramaitzak, gainetikako argidunak, zerutik agertzen eta heldu zaizten ezagutza guziak, bai eta zeruan edo lurrean egundainoko kreatura guzien partez kantatu eta kantatuko zaizkitzun bertute eta laudorio guziak, ene salbamendua gatik, eta ene othoitzetan gomendatu diren guziak gatik, arren guziok bide bezalako laudorio eta loria eman diazazugun sekula sekuloronekotz.

        4. Ene Jainko jauna, har etzatzu ene botuak, eta zure ezin erranezko handitasuna gatik zuzen onez zor zaizkitzun fingabeki zure laudatzeko eta neurrigabeki benedikatzeko desirak.

        Ene botu horiok bihurtzen derauzkitzut, eta bai egun, bai puntu oroz zuri hekin bihurtzeko desira dut, othoitzez nagotela hitzez eta bihotzez zeruko espiritu eta munduko fidel guziei enekin batean zuri esker eta laudorio emaiteaz.

        5. Lauda zaitzatela kantoin, komarka, jende, hitzkuntza, eta erdara guziek.

        Barraia bezate laudorioz zure izen saindua, eta eztia dariona ahalik boztasun, eta debozione beroenaz.

        Bai eta zeinek ere zure sakramendu handia erreberenziarekin eta debozionerekin ukitzen, edo fede oso batekin errezebitzen baitute, arren egin bitez bire gai zure aitzinean graziaren eta miserikoridaren edireiteko, eta begite othoitz ni bekatore horren gatik.

        Finean debozione desiratu batasun gozogarriarekin ardiets dezatenean, ongi konsolaturik eta miragarriki othurunzaturik zeruko mahain saindutik ilki ditezinean plazer dutela ni pobre eta gaizo horrez orhoitu.