SEIGARREN KAPITULUA

Egiazko maitariaren frogaduraz.

        1. Semea, etzara oraino maitari bortitza eta zuhurra.

        Zergatik ez, Iauna?

        Zeren zerbait estorbu aphur gatik egiten hasi zarena utzten baituzu, eta kexaegi baitabiltza konsolazione nahiz.

        Finketzko maitaria zutik dago tentazionen kontra eta eztu zinetsterik emaiten etsaiaren lausengetan eta erran artezetan.

        On eta eder natzaio hala zorigaitzean nola zorionean.

        2. Maitari zuhurrak eztio hala behatzen maitearen emaitzari, nola emaillearen amudioari.

        Gogoa prezatzenago du, gauzaren balioa baino, eta kontu geiago daduka bere maiteaz hark eman guziez baino.

        Maitari noblea ez pausatzen dohainaren gainean, baina bai ene baitan gauza guzien gainetik.

        Batzutan izaiten ezpaduzu nitaz edo ene sainduez nahi zendukeien bezain sentimendu onik, eztuzula hargatik uste guzia galdu dela.

        Noizpait sentitzen duzun afekzione on eta amolsu hura presenteko graziaren obra da eta zeruratzeko gustu aitzindari bat guziarekin ere ezta sobera permatu behar haren gainean, zeren ioaiten eta heldu baita.

        Ordea bihotzeko eragintza eta guthizia gaixtoen kontra ihardukitzea, eta deabruak gogora igortzen dituen pensamenduen mesprezatzea, bertute eta merezimendu handiaren seinalea da.

        3. Etzaitezila beraz asalda kanpoko fantasiak gatik, nondik ere sartzen baitzaizkitzu.

        Itxekozu finko hartu duzun gogo onari eta Iainkoa ganako intenzione xuxenari.

        Eztuzula uste enganiorik badela batzutan ustegabez debozioneak berehala bazaramatza goiti, eta handik laster zure bihotza bihurtzen bada leheneko ergelkerietara.

        Ezen halakoak bortxazago pairatzen tutzu, eta ez egiten zure oldez, eta zenbat ere denboraz higointzen baitzaizkitzu eta hekin kontra iarten baitzare merezimendua da, eta ezta kalterik zuretzat.

        4. Iakin nezazu etsai zaharrak egin ahala egiten duela zure itzul arazteko desir on eta debozioneko eginbide guzietarik.

        Trabatu nahi zaitu Sainduei zor zaien ohore ekartzetik, ene Pasionearen gogoan erabiltetik, zure bekatuez bide bezala orhoitzetik, zure bihotzaren begiratzetik, eta bertutean aitzinatzeko borondate fermutik.

        Hainitz gogoeta gaixto ekartzen derautzu zure unhatzeko eta izitzeko zure gibelatzeko orazione egitetik eta liburu saindurik irakurtzetik.

        Gaitzetsten du konfesione humilla, eta, ahal balegi, utz araz liazakezu komunione saindua.

        Eztezazula hura zinets eta eztuzula hartaz axolarik hainitzetan sareak hedatzen derauzkitzularik zure enganatzeko.

        Gauza gaixtorik eta lizunik gogora ekartzen derautzunean, egiozu liskar eta errozu:

        Oha espiritua satsua, ahalkadi dohakabea, hi hagitz likitza aiz, halakorik niri beharrietara ekartzeaz.

        Aparta akit enganatzaille gaixtoa eztuk izanen ene baitan parterik: baina Jesus izanen dik enekin kapitain bortitz bat bezala eta hi geldituko aiz ahalkaturik.

        Nahiago diat hil, eta pena suerte guzietan sartu hire gogara deusik egin baino.

        Ago ixilik eta mutualdi, ez aut geiago enzunen, nahi duan bezanbat tarritatzen banauk ere.

        Ene Iainkoa da ene argia eta ene salbamendua noren beldur izanen naiz?

        Ene kontra alxatzen badira ere armadak ene bihotza ezta beldur izanen. Iauna dut lagun eta libratzaille.

        5. Hari zaite guduan soldadu azkar eta sendo bezala, ta batzutan erorten bazare flakoz, har ezazu lehen baino indar geiago, fidaturik grazia handiago izanen duzula ene ganik.

        Guzien gainetik begira zaite banaloriatik eta urguillutzetik: zeren hargatik hainitz enganatzen dira eta batzutan erortzen ezin kasik sendatuzko itsutasunean.

        Burupe erho eta sobera hartzen duten superbio hekin erortzeak iduki zaitzala zure buruaren guardian eta bethiereko humiltasunean.