HAMAHIRURGARREN KAPITULUA

Tentamenduen kontra iartzeaz.

        1. Munduan bizi gareino ezin garatezke tribulamendurik eta tentamendurik gabe.

        Halatan eskiribatua datza Ioben liburuan gerla eta tentazionea da gizonaren bizitzea lurraren gainean.

        Horren gatik behar luke batbederak ansiatsu iarri tentamenduen gainean, eta ernerik egon othoitzetan, beldurrez etsaiak aurki dezan lekurik haren enganatzeko; nola ezpaita nihoiz ere loakartzen, bainan inguruz inguru baitabilla nor irets dezan bilha.

        Ezta nihor ere hain konplirik eta hain saindurik, non eztuen noizait zenbait tentazione, eta ezin gaudezke osoki gabe.

        2. Guziarekin ere batzutan tentazioneak hagitz onak dira gizonarentzat gaitzak direlarik eta fastikagarriak, zeren hek direla bide humiltzen baita, garbitzen eta zuhurtzen.

        Saindu guziak iragan dira tentazioneen bide pelkarretik, eta probetxu athera dute hetarik.

        Tentazioneak ezin iasan dituztenak Iainkoaren umeen kontutik erori dira eta galdu.

        Ezta hain ordena saindurik ez eta hain leku gorderik non ezten han tentagarririk eta pairatzekorik.

        3. Ezta gizona osoki seguratua tentazionetarik bizi deino ezen gure baitan barrena datza nondik tenta gaiezin guthiziaduraren jehetiarekin sortu garenetik.

        Tentazione edo tribulazione bat ioaiten denean, berehala heldu da bertzea eta bethi izanen dugu zer paira, zeren gure doatsutasunaren abantailla galdu baitugu.

        Hainitz bilha dabiltza nondik ihes egin tentazionetarik, eta gaitzagoetan barrena erortzen dire.

        Ihesi ioan hutsez ezin garai gaitezke bainan pazienziaz eta egiazko humiltasunaz bortitzago egiten gare etsai guziak baino.

        4. Kanpoko okasionei xoilki itzultzen zaienak, eta barreneko erroak atheratzen eztituenak probetxu guti eginen du: aitzitik lasterago bihurtuko zaizko tentazionea, eta gaizkiago izanen da.

        Baratxeka pazienziaz eta irautez (Iainkoarekin batean) hobeki garaitu, zaizte buru gogorka iarriz baino.

        Har ezazu maiz konseillu axur baten ganik tentatua zarenean, eta nihor tentatua denean etzaitezila harekin hari gogorki, bainan hura konsola zazu emeki, nahi zendukeien bezala nihork egin zinitzan.

        5. Tentazione gaixto guzien hastea da bihotzaren fermugabetasuna, eta Iainkoa baitako fidanza aphurra.

        Ezen nola uhinek lema gabeko untzia hortik eta hemendik baitarabillate, hala gizon epela, eta bere lehen gogo ona largatzen duena hainitz maneraz tentaturik dabilla.

        Suak frogatzen du burdina, eta tentazioneak gizon iustua.

        Hainitzetan eztakigu zer daidigun bainan tentazioneak erakusten du zer garen.

        Badarik ere erne egon behar da beregainki tentamendua alxatzen denean, zeren orduan etsaiari garaitzen zaio nihor errazkienik utzten ezpadu nihola ere bihotzeko athetik sartzera, bainan athalasetik kanpora ilkitzen bazaio athea bulkatzen diren bezain laster.

        Halakotz erran du norbaitek: Hastetik egizu guardia, berandurik heldu da erremedioa, zahartu denean zauria.

        Hala ere lehenbizirik heldu zaio gogoari pensamendu arin bat, gero tinkatzen da haren gainean, handik pitzten da atsegina, eta higidura gaixtoa, eta finean gogoak emaiten du konsentimendu osoa.

        Hala etsai gaixtoa baratxe sartzen da barrena hastetik egiten etzaionean kontrarik, eta zenbatenaz nagitzenago baita nihor haren kentzera, hanbatenaz bere baitan egun oroz flakatzenago da, eta etsaia borthitztenago haren kontra.

        6. Batzuk tentazione gaitzagoak pairatzen tuzte Iainkoaren serbitzura lehenbizi itzuli direnean, bertzeek azkenean.

        Batzuk bere mende guzian kasik gaizki erabilten dira: bertzeak emeki aski tentatzen dire, edo ez bat ere.

        Hori guzia egiten da Iainkoaren zuhurziak ordenatzen diren arauera, zeinak pisatzen baititu batbederaren estatua eta merezimenduak, eta den guzia aitzinetik ordenatzen baitu bere hautatuen salbamendura.

        7. Hargatik eztugu etsitu behar tentatzen garenean: aitzitik hanbatenaz berokiago othoitz egin behar diogu Iainkoari arren hel dakigula gure tribulazione guzietan, eta egin dezala Iondone Paulok dioen bezala, probetxu athera dezagun tentazionetik.

        Humil detzagun bada gure arimak Iankoaren esku botheretsuaren azpian tentazione suerte guzietan, zeren hark bihotz humillak salbatuko itu eta goitituko.

        8. Tentazionetan eta tribulazionetan frogatzen da gizona, zenbat probetxu egin duen, eta hetan merezimendu geiago du, eta haren bertutea hobeki da ageri.

        Ezta gauza handirik gizona debozionean bero izaiteaz fastikorik eztuenean, ordea denbora gaitzean pazienzia badu hainitz probetxuren esperanza da.

        Batzuk begiratzen dira tentazione handietarik eta maiz erorten dira egunorozkoetan, mendreak direlarik arren horrela humildurik fida eztitezilla bere indarretan, tentazione handirik gerta dakienean, hain aphurretan flakatzen direnaz geroztik.