HAMALAUGARREN KAPITULUA

Arima debot batzuen guthizia irakinaz Iesus-en gorputz sainduaren aldera.

Arimaren hitzak

        1. Zenbat eta zein handi diren, Jauna zure beldur direnentzat gorderik dadutzatzun eztitasunak.

        Zure sakramenduari debozione eta afekzione handirekin hurbiltzen zaizkon batzu gogora heldu zaizkidanean maizenik tontoturik nago.

        Ahalkez gorritzen bainaiz ikusteaz hain epelik eta hotzik heldu naizela zure aldarera eta gorputz sainduaren mahainera: hain agorturik eta bihotzeko afekzione gaberik nagoela, enaizela osoki irazekia eta suakartua zure aitzinean, ene Jainkoa, eta enaizela gogo guziaz hainitz arima prestu bezain bortitzki zure gana eramana.

        Orhoit naizenean hek zure errezebitzeko guthizia handiegiz, eta bihotzeko amorio sentikor batez ezin geldi zitezkeiela nigar minik egitetik; baina zure gana, o ithurri bizia, bihotzeko eta are gorputzeko ahoa zabaldurik zeudezila, bere gosea eta egarsua bertzela ezin apazegatuz eta asez zure gorputz preziosa ahalik alegrianza eta gosete espiritualenaz errezebituz baizen.

        2. O zein egiazko, zein bizia, eta irazekia den horrelakoen fedea! Seinale ageria da, zu, Jauna, bere bihotzaren erdian zaituztela.

        Ezen egiazki ezagutzen dute bere Jauna ogi hautstean, zeinen ere bihotza hain biziro suakartzen baita, Iesus maitea hekin artean bidean ibilliz.

        Horrelako afekzionea eta debozionea, hain amorio bizia eta irazekia hainitzetan urrun dira eneganik.

        Urrikal nakizula, ene Iesus ona, bihotzbera eta amolsua: emozu zure eskale gaizoari zenbait aldiz bedere zure bihotzeko amoriotik guti bat dastatzera zure mahain sakratuan; arren zure baitan dadukadan fedea geiago bortitz dadin ene esperanza zure ontasunaren gainean aitzina eta finka dadin, ene karitatea alde guztiz irazekirik eta zeruko ianharia gozaturik nihoiz ere iraungi eztadin.

        3. Bada zure miserikordiak eman diazaket hanbat desiratzen dudan grazia eta zure plazer oneko eguna datorrenean begitarte amolsuaz bisita nazake bere amorioaren beroduran.

        Ezen eztirakidalarik zure serbitzari bereziek dirakiten bezain desir handiz, badarik ere zure grazia lagundurik, hek duten desir irazekiaz guthizia dut nik ere, othoitzez nagotzula eta desiratzen dudala gai egin nazazun zure horrelako maitari bero guziekin partale gertatzeko, eta hekin konpainia sainduan sartzeko.