XXVI. KAPITULUA

Espirituko libertatea ardiesten dela, irakurtzez baiño hobeki othoitzez.

ARIMAK

        1. Ezagutzen dut, Iauna, gizon perfet bati daokala, zeruko gauzetarik espiritua ez apartatzea, mundu huntako arthen erdien artha gabe izatea, ez tontotasunezko indiferenzia batez, baiñan arima libro, eta kreaturetarik lexatuaren pribilejio berezi batez.

        2. Othoizten zaitut, o ene Iauna, begira nazazun mundu huntako artha sobretarik, beldurrez hetan traba nadiñ, gorputzeko beharretarik, beldurrez hekien konplitzen hari naizela, atsegiñak atzaman nazan; fiñean ene salbamenduko traba guzietarik beldurrez trebesiez unhatu eta flakatu ondoan eror nadiñ.

        Eztarotzut galdegiten solamente beira nazazu mundanoek lehia handirekiñ bilhatzen dituzten gauzetarik, baiñan oraiño libra nazazun miseria hetarik zeiñak baitire gizon guzien pena, eta maledikzione komunak, zeiñek ene arima pisatzen baitute, eta debekatzen nahi luken bezanbat libertaterekiñ espirituaren bidean ibiltzetik.

        3. O ene Jainkoa atsegiñ egiazkoen ithurburua ganbia dietzadatzu behazunetarat haragiaren gezurrezko konsolazione guziak, zeiñek ontasun eternalen amudiotik gibelatzen baikaituzte, eta bere ganat thiratzen presenteko atsegiñ iragankor baten itxurapen enganiosez.

        Haragiak, eta odolak ene Jainkoa ez nazaten garai, munduak, eta haren loria falsoak ez nazaten llilura, deabruak, eta haren malezia guziak ez nazaten engana.

        Indazu indarra gudu egiteko, pazienzia pairatzeko, eta konstanzia fiñeraiño irauteko.

        Munduko konsolamendu banoak ganbia zatzu zure espirituaren ganzuduru guziz eztirat, eta haragiaren amudioa zure izen sinduaren amudiorat.

        4. Oi ala iatea, edatea, eta bertze gorputzaren beharrak karga baitzaizko zu maite zaituen arima bati.

        Egidazu grazia, ene Jainkoa, gure flakeziaren erremedio horiez balia nadiñ sobreki, eta ez atsegiñagatik, edo sobraniaz.

        Ezen hek osoki utz detzakegu zeren naturaleza hagoan itxeki behar baitugu, baiñan zure lege sainduak debekatzen daroku hetarik behar baiño, gehiago hartzea, edo hetan sensuen bilhatzea, zeren bertzela haragia altxa bailiteke espirituaren kontra.

        Zure esku botheretsuak, ene Jainkoa, gida benaza, eta goarda sobrania guzietarik.