XIX. KAPITULUA

Nola behar tugun pairatu afruntuak, eta mezprezioak.

JESU-KRISTOK

        1. Ene semea zer duzu errateko? utz atzu errenkurak beiratu ondoan ene pasioneari, eta sainduen sofrikariei.

        Eztuzu oraiño odolaren isurtzeraiño sofritu.

        Zure pena guziak deus gutiak dire hañitz bertzen aldean, zeiñek pairatu baitituzte haiñ tentazione borthitzak, haiñ atsekabe gogorrak, haiñ frogantza husuak eta luzeak.

        Zure gogoan erabil zatzu hekiñ sofrikari handiak, eta zure xumeak errexkiago pairatuko tutzu.

        Eta xumeak iduritzen ezpazaizkitzu ikhusazu ea eztituen zure pairu eskasak handitzen.

        Baiñan nahiz diren handiak, edo xumeak esaia zaite hekien eztiki pairatzerat.

        2. Zenbatenaz baizare sofritzerat emanago, hanbatenaz duzu zuhurtzia eta merezimendu gehiago; eta gaitzak ariñago idurituko zaizkitzu deliberazione fermuez, eta usantza saindu batez borthiztua bazare.

        Ezterrazula eziñ paira dezaket han, edo hori hunelakorenganik; ezta hori gauza bat sofritu behar dudana; kalte handi bat egiñ arot; egundaiño orhoitu ez naizen gauzez iroi egiten darot.

        Bertze batenganik sofri nezake gogotik; bada gauzarik aski eztiki paira nezakenik.

        Solas horiek arrazoin gabekoak dire, eta horla mintzo denak eztu konsideratzen, ez pazienziaren merezimendua ez hura khoroatu behar duen Jainkoa; baiñan bai xoilki nolakoa den egiñ zaion ofensa, eta nor den ofensatzaillea.

        3. Nahi duenaganik, eta nahi duen bezanbatean baizen sofritu nahi eztuenak eztu egiazko pazienzia.

        Egiazko pazienziak eztu behatzen norenganik heldu zaion, ala heldu zaion goragokoaganik, ala berdiñekoaganik, ala prestuaganik, ala gaixtoaganik.

        Baiñan nor nahi denek ofensa dezan, zeiñ nahi den denboraz, edo zer nahi den maneraz gertha dakion atsekabe hura hartzen du bethiere esker onez Jainkoaren eskutik, eta uste du abantaill handi bat dela harenzat, zeren eta Jainkoagatik pairatzen den gauzarik xumeena ezpaita merezimendu gabe.

        4. Zaude beraz bethi gudurat prest nahi baduzu izan biktorios. Pazienziaren khoroa eziñ dukezu gudu gabe; ezpaduzu nahi pairatu, eztuzu nahi khoroatu.

        Khoroa ardietsi nahi baduzu, egizu gudu borthizki, paira zazu pazienki.

        Nekhearen saria da sosegua, eta guduaren golardoa biktoria.

ARIMAK

        5. Ene Jainkoa zure graziaz errex diezadazu ene baithan naturalezak eziñ daikeena.

        Badakizu ez naizela gai hañitz sofritzeko, eta den gaitzik xumeenak bihotza erorarazten darotala.

        Ene Jainkoa, egidazu othoi grazia desira, eta maita detzadan zure ohoretan ene frogatzeko egorzen darozkidatzun sofrikari guziak; ezen abantaill handi bat da enetzat zure amoreagatik pairatzea, eta persekutatua izatea.