32. IRAKURTZA

Jerikon Zakeoren etxean
sartuten da Jesu Kristo.

San Lukasek cap. 19. v. 1-10.

        Eta Jesus sartu ezkero igaroten zan Jerikotik.

        Eta aror Zakeo eritxon gizon bat: ta au Arrendatzalleen Burua zan, ta aberatsa:

        Eta ikusi gura eban nor zan Jesus: ta ezin eban jente andia gaiti, zerren gorputz txikizkoa zan.

        Bera arin joan zan, ta iko batera igo eban, ikusteko: zerren andik igaro bear eban.

        Eta Jesus leku atara eldu zanean, begiak jasorik, ikusi eban, ta, esan eutsan: Zakeo jatsi zaite laster, zerren zure etxean gaur geratu bear nasan.

        Bera barriz jatsi zan: ta pozik etxeratu eban.

        Eta au ikusirik guztiak, deungero ziñoen, joan zalako gizon bekatari baten etxera.

        Baña Zakeo ifinirik Jaunaren aurrean, esan eutsan: Jauna, aror non nire ondasunen erdia emoten deutsedan pobreai: ta baldin ezer iñori kendu badeutsat, lau bider geiago biurtzen deutsat.

        Eta Jesusek esan eutsan: Gaur osasuna etorri jako etxe oni: au bere Abranen semea dalako.

        Bada gizonaren semea etorri zan galdu zana billatu, ta salbetara.