18. IRAKURTZA

Jesusek erakusten deutse bere dizipuluai,
ur egoala bere Pasiñoa, ta eriotza.
Aserratuten da San Pedroren kontra;
ta irakasten dau, bakotxak bere krutzea eroaten.

BATERA San Mateok cap. 16. v. 21-28.
San Markosek cap. 8. v. 31-39.
San Lukasek cap. 9. v. 22-27.

        Ordutik asi zan Jesus adietan emoten bere dizipuluai, konbeni zala gizonaren semea joatea Jerusalenera:

        Eta gauza asko padezietea, ta despreziatua izatea Zarreetatik, ta Sazerdoteen Nagusiakganik, ta Eskribatarik, ta izatea eriotzara kondenatua; ta biztutea irugarren egunean.

        Eta argiro au berbatuten eban. Ta Pedrok aparte arturik, beragaz aserratuten asi zan esaten eutsala: Jauna, zuganik urrin bijoa ori, ez zugaz orrelakorik.

        Baña bera biurturik, ta begiraturik bere dizipuluai zernaitu eban Pedro, zirautsala: Zoaz niganik, Satanas: eragozgarria egiten zatxataz, zerren eztakizuzan Jangoikoaren gauzak dirianak, ezpada gizoneenak.

        Eta deiturik jenteari bere dizipuluakaz, orduan Jesusek esan eban: Nire atzean, ta jarraian etorri gura dabenak, ukatu begi bere burua, ta egunoro artu begi bere krutzea, ta jarraitu begit.

        Bada bere arimea salbau gura dabenak, galduko dau a.

        Baña bere arimea galduten dabenak nigaiti, ta Ebanjelioa gaiti, salbauko dau a.

        Ba zer balioko deutso gizonari mundu guztia irabaztea baldin bera, ta bere arimea galduten badau?

        Edo zer emongo dau ordeaz gizonak bere arimea gaiti?

        Bada nirez, ta nire berbaz lotsatuten dana jente adultera, ta bekatari onen erdian, gizonaren semea bere azaz lotsatuko da, datorrenean bere Anditasunean, ta Aitaren, ta Angeruenean.

        Zerren gizonaren semea etorriko da bere Aitaren glorian bere Angeruakaz: ta orduan bakotxari emongo deutsu bere egiteen erara.

        Eta esaten eutsen: egiaz dirautsuet, emen dagozanetarik batzuk eztabe igaroko eriotzea, Jangoikoaren Erreinua ikusi baño lenago datorrela poderioaz; gizonaren semea datorrela bere Erreinuan.