31. IRAKURTZA

Jesusek urreraturik Jerikora
itsu baten begiak argituten ditu.

San Lukasek cap. 18. v. 35-43.

        Eta jazo zan urreratu zanean Jerikora, itsu bat an bidearen ondoan egotea jarririk limosna eske.

        Eta enzun ebanean igaroten zan jente tropela, itandu eban zer zan a.

        Eta esan eutsen: Jesus Nazareno igaroten zala.

        Eta dedarka esan eban: Jesus, Dabiden Semea, errukitu zaite nizaz.

        Eta aurrean joaiazanak aserratuten jakazan ixildu zedintzat. Baña berak deadar geiago egiten eban: Dabiden Semea, euki egizu nire errukia.

        Eta gelditu zan Jesus, ta agindu eban ekarri egioela. Eta beragandu jakonean, itandu eutsan,

        Esanik: Zer gura dozu egin daizudan? Eta berak eranzun eban: Jauna, ikustea.

        Eta Jesusek esan eutsan: ikusi egizu; zure fedeak osatu zaitu.

        Eta berpetati ikusi eban, ta jarraitu eutsan Jangoikoa gloriatuten ebala. Ta jente guztiak au ikusirik, alabatu eban Jangoikoa.