Agurrak

                        Neure lloba frai Eusebio Txinatik
                        bere amari kantetako ipiñiak

Agur Euskalerriko lur beti berdiak

Mendi, atx, lan, iturri, arro ta itzalpiak.

Agur ola-errotak, baserri ta erriak,

Errekatxo, erreka, ta erreka errimiak,

Ekarri nau Txinara egarri erriak,

Argitzera errukarri errurik bageak.

Ain urrin etorteko urten nebanean,

Agur bat egin neban samurra etxean,

Arrezkero amarik eztakust aurrean

Baiña gogoratzen jat goizean goizean,

Jaunari eskatzeko meza emotean,

Bizi dedilla ondo baita ill bakean.

Bizi zaitez bai, ama, euskaldun lurrean,

Euskaldun oitura ta euskaldun legean;

Euskalerrira atzera eltzen nazanean,

Billatuko al zaitut osasun onean,

Baiña agur ordura arte, agur bitartean,

Agurtu arren, ama, zaukat biotzean.

                        Euskal Erria, 1903,  XLVIII