Bilboko ongietorriak
Sarmientori

Orren dotore Argentinatik

Urten ziñean ontzia,

Gure aldera bazentozala

Artu ezkero barria,

Noz etorriko begira estu

Egon da Bilbo andia,

Bere portua izan dakizun

Zuri ostatugarria.

Plaza orreri bertan sartzean

Agurra eiteagaitik,

Usetan diran kañonazoak

Bota dituzu bertatik,

Jotorriakaz zeintzui lagundu

Deutsen garaiak lurretik,

Erantzutean batak besteai

Zoli ta leial atzetik

Zarata onak jira eginda

Mendi askoren artetik.

Jentea zaintzen bazeunkan bere

Molle barrian ugari;

Galean eutsun jagon-lariak,

Señakaz laster igarri,

Euren bitartez bertatik Bilbon

Jakin zanean gauz ori,

Bezentozala ia urrean

Atsegiña zan aiñ andi,

Bear dan añan nire lumeak

Non paperean ezarri?

Ibaizabalen bazan ugari

Gorturik jarri artean,

Txupiñazoa, etxaplerua,

Baña aldikada luzean;

Banderea ta gallardetea

Batian eta bestian,

Ez da ikusi ontzirik alan

Jantzita beste batean,

Ez ikusiko bagara bere

Biziten berreun urtean.

Edozein eban ikaratuko

Bilbotik urten dabenak,

Konsul, Diputau, Gobernadore,

Gizonik eregienak;

Batzokietan diranak buru,

Damarik argituenak,

Ta albistarien zuzentzalletan

Izango ziran txarrenak?

Bai, askok urten deutsu Abrara

Joten musika soñuak,

Ta izentauriko Jaunezko aldra

Eskubidetan autuak,

Galaz jantzirik artzeko zure

Ain itxasgizon goikuak,

Antxe betiko anaiatzera

Doatzuz danak prestuak,

Etorriteko guztiak gero

Artzera Bilbon txaluak.

Ibaizabalgo urak doatzuz

Pozpozik laztandutera,

Bestetan baño aguruoago

Daroielako juera,

Santurtzek badau barrerik asko

Zu elduteaz urrera,

Txitxia baldin ezpada poza

Ondarrak artu dabeena,

Ez da zoratu egin osoro

Portugalete ederra?

Bizkaia izen daukan zubiak

Zurturik zaitu ikusi,

Esan gurarik etzaite arren

Irago nire azpiti,

Arriskuetan etzaite jarri

Ez asko eta ez gitxi,

Obeto dozu toki orretan

Lo egin nasai egoki,

Damugarria litzateke miñ

Eitea zu lako bati.

Fabriketako tximinia askok

Barriz gaur dauke damua.

Apurrik bere burua,

Keiak egiten deutsue baña

Ongi etorri gozua,

Igorik gora artuteraño

Egan odeien lekua,

Esan nai dabe: «bisi dedilla

Fragata Arjentinakua».

Bost egunean izango dira

Fiestak asko aurrera,

Soñu, bazkari, zezenak eta

Ikusgei asko gañera,

Bizi daitean Sarmiento itz

Goitizen argi ederra,

Berau dalako Arjentinako

Seme eregi batena,

Lumadunetan zeiñ zan argien

Presidentetan onena.

                        Ibaizabal, 1902, 32