Nizeta atsoa

Erretratau egin da Nizeta atsoa,

Eun da bi urte atzo iragorikoa,

zelan oker daukan ta ezain agoa

Irudian urten dan bera dan langoa,

berak ain itxusi urten deutsalako

Erretratu giñaren errutzat baidauko,

Augaitik ezeutsan nai bearra saritu

Ezta erretraturik bere gura artu;

Baña besteak eutsan orduan esaten:

«Ezpadeustazu lana niri ordainduten,

Juezagana noa eta antxe laster

Ikusiko da agoa daukazun oker,

Ta alan badaukazu, lau bider geiago

Bearko dozu emon ta ez gitxiago».

Orrelan bildurtuta emon bost peseta

Eutsazan, baiña damuz bizi da Nizeta.

Izan gura dabenik bat bere itxusi

Oraindiño munduan nik eztot ikusi.

                        Euskal Erria, 1902, XLVII