Bizkaitarrak Iziarko erromeriyan kantetako berba neurtuak

                Kantartea

        Ondarroatik Iziarrera

        Sinispen bizi bategaz

        Amaganako amudioak

        Isioturik garuaz.

        Itxas gizonak Debaruntz duaz

        Batel ederren ganetan,

        Liorrekuak oñaz aldraka

        Ama laztana billetan.

Guezan Iziarrera,

Guezan, arin guezan,

Juan baga gelditu

Iñor ez gaitezan.

Maria an daukagu,

Itxaroten guri,

Bisita bat gaur egin

Daijogun berari.

Gure mendietako

Zeinbat tontorretan!

Bere bizilekuak

Diran begiztetan!

Begoñan, Arantzazun,

Oron ta Antiguan,

Baña gaur darabilgu

Iziar goguan.

An bere daukalako

Etxia Marijak,

Guezan Iziarrera

Zar eta gaztiak.

Begira zelan andik

Daguan begira,

Gau eta egun zoli

Itxaso zelaira.

Truju ekatx dongakaz

Olatu artian,

Euskeldun mariñelak

Galdu ez deitian.

Agatik guk daukagu

Jarririk ustia,

Bera dala guretzat

Anparu guztia.

                Azken agurra

Agur, bai Iziarko

Agur gure Ama,

Agur itxasgizonen

Pozezko izarra.

Lior zaliok agur,

Dirautsugu Andria,

Agur, bai Iziarko

O! Ama guria!

Agur, geure biotzok

Zuri eskinirik,

Bialdu gaizuz Ama,

Gaur bedeinkaturik.

Lurrian gura dogu

Zure ume izan,

Zeruan gero beti

Ikusi zaiguzan.

                        Euskal Erria, 1885, XII