Flora guztien artean ederrena dan
Floriari Maiatzeko illean

Nor da jagiten dana orren goix,

        Orren egogi,

Orren bekoki leun ta argia

        Agertzean,

Inguru dana jantzirik orren

        Bake dontsuaz,

Orren gozoro zabalduagaz

        Aixe artean?

Ori balitza legez ekatxen

        Ondoko arku,

Ori balitza legez goix eder

        Sort-aldean,

Ori balitza legez ill danen

        Erregiña bat,

Orrek pozturik goia ta beia

        Ainbestean.

Zeiñ arte-zalek egin ete dau

        Orren ill eder,

Zeiñ eskuk moldau orren ederto

        Pare baga?

Zeiñek atondu orrenbestean

        Bitxi politez,

Orrek ill danak atzean isten

        Dituala?

Zeiñek, bai zeiñek, eta nok baña

        Uste eikean,

Orrenbesteko ekatx-indrisken

        Ondorean,

Egun batetik bestera jaio

        Egingo zala

Orren ederrik Flora jantzirik

        Gorputzean?

Zabaldu-izuez zeuen kolkoak

        Lora politak,

Sabeltxoetan dozuen usaiñ

        Ori bota,

Or ezkutaurik probetxu baga

        Gaur itotea,

Ezelanbere iñorentzako

        Ondo ezta,

Jaiorik dago zeuen erregiñ

        Flora planta,

Maiatz ederra dakust, dakust bai,

        Nik jaiota,

Nik entzun deutset iñoz ez lako

        Soñu aldia,

Txori politai txorrotxioka

        Oni jota.

Eta beronek entzundakoan

        Soñu aiñ onak,

Eskinte arren beronen ondran

        Egin dana,

Nik ikusi dot bere begiak

        Zuzendutera,

Eleixaruntza flora guztien

        Floragana.

Nor ikusirik Illargiaren

        Gañean zelan,

Izar ederrez koronadurik

        Dagoala,

Gure Flor onek bere koroia

        Dris drask kendurik,

Oñen azpian ipiñi deutsa

        Bereala.

Arin aringa, agaitik doa

        Jenterik asko,

Ikusitera zelan dagoan

        Edertua,

Jaio bagarik ez eban egon

        Bear ill onek,

Dalako berau illen artean

        Ill dontsua:

Onek edertu oi dabelako

        Jaungoikoaren,

Ama Dontzella Maria lora

        Aiñ goitsua,

Zeiñ dan ederrez edergarririk

        Edergarrien,

Edertuteko Jaunaz ostean

        Goi-zerua.

Ondrau egizu, Maiatz planta,

        Maiatz obe au,

Ondrau, zergaitik dan Jerikoko

        Larrosea,

Ondrau, dalako Sionerako

        Aukeratua,

Maiatz guztien ikasleku ta

        Eskolea;

Ondrau, dalako lora guztien

        Ortu itxia,

Ondrau, dalako birtute danen

        Baratzea,

Ondrau dalako Paradisu bat

        Bizi izateko,

Zeruetako agintari ta

        Erregea.

Erdue, erdue, erdue neskatx

        Israeltarrak,

Ondreta arren orren eder dan

        Dontzellea,

Agur, esanaz, agur loretan

        Lora bakarra,

Agur zeruko Lorategiko

        Lora-Andrea;

Zeru guztiak kantau begio

        Pozen pozagaz,

Ondra guztien ondragarria

        Da Maria,

Ondrau zergaitik Aitak Alaba,

        Semeak Ama,

Ta Espiritu Santuak daben

        Esposea.

                        Euskal Erria, 1887, XVI

                        Euskalzale, 1898, II