Jesus jaio barriari

        Amalauduna

Palma leortuen kerizpe sikuan

Erromesa zelan dan atsedeten

Iturri leiarki bizi ta oztxuan

Basauntza sarri da urez asetzen.

Goixean goix dabez uda agortsuan

Loratxuak inotz tantak edaten

Bide galdudunak gau illun itsuan

Egunari deika dira egoten.

Illunpe onetan Jesustxo ederra

Izango zatxataz gaur Eguzkia

Izan zakidaz, bai, ene gidaria

Izan ez nakizun lengoa bera;

Izan egidazu, Jauna, errukia

Izango natxatzu leial aurrera.

                        Euskal Erria, 1883, IX