Jaungoiko-gizonduaren jaiotzea

        Amalauduna

Ea aingeruak, kantau goietan zuek gloriak,

Ea artzaiñak, bildostxo bana bizkarretan,

Eta kaikuak arturik esnez bete betiak,

Baita makillak lagungarritzat eskuetan;

Erdue ujujuz atsegindurik baso-mendiak,

Saltoz igaro errekatxoak aide-aidetan,

Dontzella batek argitaratu daben Semiak

Gabean jarri gaituzalako eguzkitan.

Eskintsariok emon Printzipe aiñ Altsuari,

Lastatzan pobre billatu arren otzak kikill,

Dakartzalako libertadea gaur gizonari,

Luzbelek eukan nausitasuna eginda ill;

Zeñetarako bere Jaungoiko izateari,

Itxi bagarik jaio egin dan ume umill.

                        Euskal Erria, 1893