Ama Birjiña Aranzazukoari agurrak

        Agur, Arantzan zauden,

        Ama ta Birjiña,

        Gure euskal errian

        Zera Erregiña.

Euskal-erriak dauka

Ama bat sendoa,

Zein zeran zu Birjiña

Arantzazukoa.

        Agur etc.

Zuregan daukalako

Beti esperantza,

Gaur daño baten ere

Etzaio izan utsa.

        Agur etc.

Argatik dago beti

Zugana dearrez,

Iñoiz isildu gabe

Egun eta gabez.

        Agur etc.

Estutasun danetan

Nun billatu poza?

Begiratu-ez-izan

Ama Zuganuntza?

        Agur etc.

Zuregandik kanpora

Lurrean zer dago,

Negarra, suspiroa,

Lazeria baño.

        Agur etc.

Nun nai galdu-mendia,

Nun nai arriskua,

Eman zaguzu, Ama,

Zuk arren eskua.

        Agur etc.

Berari itsatsita

Ez dago beldurrik,

Alperrik infernua

Kontra da jaikirik.

        Agur etc.

Dana azpiratuta,

Dana puskatuta,

Dana utziko degu

Oiñpean sartuta.

        Agur etc.

Aintxiñatik daukazu

Alasen sartua,

Luzifer danen buru

Aundituko arrua.

        Agur etc.

Alperrik oraiñ dabill

Andik irten nairik,

Baña izango zaizka

Indarrok alperrik.

        Agur etc.

Zergatik zure kontra

Eziñ dezakean,

Infernuak garaitzik

Iritxi lurrean.

        Agur etc.

Zeradelako Jaunak

Alasen egiña,

Etsaiak menpetutzen

Izateko diña.

        Agur etc.

Guk ere ala, Ama,

Garaitu ditzagun,

Azken asnasa arte

Zakiguz Zu lagun.

        Agur etc.