Azartu baten saria

Joxek txarri bat atzo

ill eban etxean,

ta txakur asko batu

jakozan atean;

baña, bat azartu zan

sartzen sukaldera,

nok laster urten eban

kanpora atzera,

illintien bategaz

jo eta negarrez,

ta ateko txakur batek

diñotsa bai, barrez:

—Ainbeste txiliogaz

ta aiñ taiu txarrean

nondik dakak zauritzar

on bizkarrean?

—Au dot sartuagaitik

besten sukaldean.

Txarto da sartutea

iñoren etxean

baimenik artu baga

lenengo atean.

                        Euskal Erria, 1901, XLIV

                        Euskalduna, 1901, 189