Mariari, zerura igoeran

        Amalauduna

Nora zoakuz Ama Maria gu largaturik,

Izar ederrez zeure burua apainduta?

Nora zoakuz zerutar baten antza arturik,

Odei pillotxo eder batean jazarrita?

Nora zoakuz aingeru taldaz inguraturik,

Izarrak baño askoz gorago goratuta?

Zu baga be au, geratzen bada naibageturik

Bat geratuten danean legez ama illta?

Badakit, nora zoazan Ama, laztan maitea,

Zoaz, goietan obetoago bizitera,

Zoaz, dalako goian Errege zure semea,

Zoaz, beragaz zeu Erregiña izatera,

Zergaitik utsik alboan daukan zure sillea,

Errazoia da zoakozala gozautera.

                        Euskal Erria, 1892, XXVII