Amodio ederraren Ama danari
Maiatzeko lorak

                Zeñ miragarri dan

                Goazen ikustera,

                Edengo lirio

                Maria ederra,

                Eta lora zuriz

                Eginik arua

                Apaindu daiogun

                Berari burua.

Lorez-lora zeñ gois,

Uso txit zuriak

Topetan dabiltzan

Usaiñ pozgarriak,

Agaitik Zerutik

Zatorkuz zu egan,

Gu poztzera Ama

Zure amorean.

                Zeñ miragarri dan...

IIlargi gañeko

O Neskatillea!

Larrosen Larrosa,

Loren txit Lorea,

Dontzellen Dontzella,

Andren añ Andria,

Ametan Ama nor

Da Zu duiñ andia?

                Zeñ miragarri dan...

O izan danetan

Goren gorengua!

Nok leuken zuretzat

Bear bestekua!

Amore bat sutsu

Gozo ta garbia,

Eskini daizugun

Maiatz loratia!

                Zeñ miragarri dan...

Lirioz jantzirik

Bekokia eder

Mendi puntan Ill an

Goix dogu ikusten,

Dakarrelako añ

Soñeko gorria

Oriturik doa

Igex Illargia.

                Zeñ miragarri dan...

Goixez añ gozo da,

Egunez argia,

Gabez izartsu ta

Iparrez eztia,

Zuretzat dalako

Berariz egiña,

Artu egiguzu

Ama Erregiña.

                Zeñ miragarri dan...

Opa nai deutsugu

Azkenez biotza,

Zu zarealako

Beti bere poza,

Alabau zagizan

Ill guztian gogoz,

Soñu leun, eztiz ta

Berba neurtu gozoz.

                Zeñ miragarri dan...

                        Euskal Erria, 1883, VIII

                        Euskalzale, 1897, I