62
JAUNGOIKOAREN AUNDITASUNA

        Hierón, Siracusa'ko erregeak, eskatu zion Simónides jakintsuar, azaldu zegiola Jaungoikoaren aunditasuna. Simónides gizon jakintsuak egun biko epia eskatu zion.

        Egun bi igarota, erregeak ostera galdetu zionean, lau eguneko epea eskatu zion pentsatzeko; eta lau egunak igaro ziranean zortzi eskatu zizkion, eta gero amasei, eta gero ogetaamabi, eta gero irurogeitalau, eta orrela beti, gero baño gero egun geyago.

        Erregea aspertu zan ainbeste itxaroteakiñ eta galdetu zion ia zergaitik egiten zion ori.

        Eta Simónides jakintsuak erantzun zion:

        —A, ene erregea! Zenbat eta geyago pentsatzen detan, eta zenbat eta obetoago adiraldutzen detan, ainbat eta gaitzago egiten zait Jaungoikoaren aunditasuna azaltzea. Ezin bai du gure adimen txikiak Jaungoikoaren aunditasun neurri gabea aditu.