Gure irakaslea

        Zer irakatsi euskun?

        Gauza asko; baiña lenen-lenena auxe: Gure aberria ez dala guk orduan uste genduana, gure aberria Euzkadi dala bakar-bakarrik.

        Irakatsi euskun gero aberri au zelan maitatu bear dan, beronen alde zelan alegindu bear garan, beronen alde gertu egon bear dogula edozetarako. Eta guzti ori irakatsi euskun, ez barriketakaz, egintzakaz baiño, ta egintza asko ta andi ta gogoragarriakaz.

        Olantxe izan bear dau irakaslariak, esanaz ta egiñaz irakatsi. Eta olantxe egin eban Arana Goiri-tar Sabin andiak.

        Bere irakaspenakaz emengo gauza guztiak atara ebazan lengo bide geldietatik, ilteko bideetatik. Gauza guztiei emon eutsen beste era bat.

        Aberri ele euskera onegaz be orixe egin eban, atara lengo bide ilgarrietatik, eta bizimen barri bat emon eutson.

        Onetantxe bai izan dala Sabin gure irakaslari benetakoa! Bera izan ez balitz, ondiño emen ibilliko giñean lenago lez alkarri esaten edo norberak norbere buruari esaten: «Erderazko oneek gauzok, eta orreek besteok, eta areek eta, zelan ipiñiko joaguz euskeraz?... Ezin leikek!!»

        Sabin aurretik olantxe ibilten giñean euskal idazleak, euskerearen lengo bideetan urratsik ezin eginda, bidezkunetan zerbait gorantz asi ezkero; ori dala ta, orduan esaten eben askok (eta orain be bai kirten batzuk) gure euskerea etzala gauza, baserritarren eta arrantzaleen oldozkunak adierazteko baiño.

        Sabin adimen-gurenak, orraiti, euskerea sakon-sakonetik aztertu ta argi-argi ipiñi euskun, eta berak arturiko bidetik jarraiturik, gaur euskeraz adierazo daikegu beste edozein erderatan adierazo leiteken guztia.

        Sabiñen euskalbide eder au geurea dogu abertzaleak eta maitero darabilgu. Ba dira abertzale ez diranen batzuk euskalbide au txartzat daukenak, eta asmoak daukez berau al badabe lurreratzeko.

        Zegaitik ez dabe gura euskalbide au? Abertzaleak ez diralako, gure aberria barik beste bat eurentzat ezagutzen dabelako!

        Ba, guk gaur lako egunetan, asmo gogorrak artzen doguz Sabiñen bideetatik joateko aberri arazo guztietan, eta euskerazkoan batez be.

        Ez da alperrik izango, Sabin, zuk irakatsi zeunskuna! Emen gagoz gertu zure irakaspenak zaintzeko! Eta irakaspenok ebagi ta eratsi gura badabez... geure ganetik igaro bearko dabe!!

        Izparringi onetan euskerea irakurten dozun abertzale orrek: Gaur otoi egin sendo gure irakaslari Arana Goiri-tar Sabiñen alde, eta asmo sendoa artu bere irakaspenak gogor eutsiteko bere areroen aurrean.

1919-XI-25