EUSKALERRI MAITEA

Euskalerri maitea,

pekatu bat dezu:

mundu onentzat

txikiegia

ez ote zera zu?

Txiki eta ederra,

orra or pekatu.

Orregatikan

ezin dizute

iñola barkatu.

Bi landare aundiren

erdian zaitugu.

Ta aiek argia

jaten dizute,

utzirik zu itxu.

Auzokoa etxean

daukagu nagusi;

argatik gure

etxeko ormak

oso daude itxusi.

Zure etsai zitalak

ez dute pakerik,

alperrikako

alegiñetan,

zu ondatu nairik.

Euskalerri gaixoa,

burua jasoizu.

Zeruetatik

Jaungoiko Jaunak

lagunduko dizu.