IRUTASUNA

Irutan Bat zaitugun Jaungoiko altsua,

Zu ikusteko oso det adimen lotua.

Argi ori ezpaita nere neurrikua;

Zuri begira, laster ninteke itxutua.

Lenbizi Aita zaitut, gauz denen egille;

zure eskua baita guztion ongille.

Zuk dezu gaiztoentzat inpernu zerraille;

Zu zera zeruetan zorion emaile.

Bigarren, Seme zera, Aitaren erraiñu;

agortu gabeko Itza, ta Egi-albaiñu.

Zugandik urruti da gezur da engaiñu;

Zuri esker, obenak ez dit sortu lañu.

Irugarren or zatoz, Espiritu Santu,

Aita ta Semearen Maitasun umatu,

animan edergaillu, bizitza loratu.

Ai, Zurekin al banintz zeruetan batu!