EZ NIÑAN USTE

        Tango aidea.

Ez niñan uste ire ezpain oiek,

ain labain zorrotz ziranik:

nere biotza alderik alde

urratu didan ondotik.

Errekan bera datorren urak,

ez din gorako biderik:

ailperrik abil, ez den sortuko

nik aña maiteko aunik.

Loretan den gure sagarra;

ostrotu den intxaur-adarra:

baña biotzeko negarra,

ez den oiekin gozatzen.

Ire ondapen ta itxumenak

galdu dizkin nere kemenak.

Bein usteltzen diran txermenak,

ez ditun geiago loratzen.

Zillar-dizdirak itxutu indun

ire biotza saltzeko:

aberastu aiz, baña diruak

ez din biotzik aseko.

Aur-jostallu bat bezela artu

aute jolas egiteko:

jostallu legez, puska ondoren

baztarrera botatzeko.

Loretan den gure sagarra...