ARDO GORRI NAPARRA

        Gizona ardoaren alde.

A, a, a.

Ardo gorri naparra:

eztarriko lakarra,

kentzen au den azkarra.

A, a, a. Kentzen au den azkarra.

        Andrea ardoaren aurka.

A, a, a.

Kontuz busti zintzurra,

jo nai ezpadek lurra,

ta ausi lepa-ezurra.

A, a, a; ta ausi lepa-ezurra.

        Gizona ardoaren alde.

A, a, a.

Au den ardo bikaña!

Edan zagun nai aña,

naiz argitu bekaña.

        Andrea ardoaren aurka.

A, a, a.

Matsaren ur sorgiña:

gizonak edan-griña,

ta andreak mitiña.

        Gizona ardoaren alde.

E, e, e.

Ni ardoaren alde,

goiz eta arratsalde

beti naiz aren galde.

        Andrea ardoaren aurka.

E, e, e.

Edari etxe-kalte,

nasaikerien ate,

tabernetan alkate.

        Gizona ardoaren alde.

I, i, i.

I aut nere edari,

ik jartzen nauk kantari,

ta sarritan dantzari.

        Andrea ardoaren aurka.

I, i, i.

Matsaren zumu azti,

griña txarren illati,

osasunaren pipi.

        Gizona ardoaren alde.

O, o, o.

Onek jartzen nau bero,

eta sarritan ero

edanaz egunero.

        Andrea ardoaren aurka.

O, o, o.

Edari demonio,

inpernuko jario,

pardel danen bizio.

        Gizona ardoaren alde.

U, u, u.

Au den gure erregu:

ardoa bear degu,

naiz uda ta naiz negu.

        Andrea ardoaren aurka.

U, u, u.

Ur gorrizko olatu,

orrek au i ondatu,

ta andreaz asarratu.

        Andre ta gizon batera.

U, u, u.

Ardo madarikatu!

Gau-txorien tellatu,

alper danen ostatu.

U, u, u. Ardo madarikatu!