GABON AIZE

Belenen Gabon aize.

Zeruko izarrak, aineruz nasi,

erretiro txarra dute.

—Pardel aundiok! Ordu auetan

nori kantatzen zaudete?

Izar txuriak, irri.

—Ez al zenekin lendikan ere

gure ibillien berri?

Mundua mundu danetik beti

izan gaituzu gautxori.

—Baiña Aingeruak nola?

—Gaur Jaungoikoak, lurrera jetxiz,

urratu du zeru-zola;

eta zerua zulo artatik

jarri da Aingeru daiola.

Zeruan ezta gau ta egunik,

an beti da Erromeri;

ordu guziak jai berrietan

gauzkate pozez kantari;

ta Aita Jainkoa mai zabalean

degu betiko bazkari.

Gaur Gabon aize lurrean

eta Jainkoak zabaldu digu

zerua Belen-aldean;

argatik zeru ta lurrekuok

jai degu gau-biotzean.