EZTEN ATZOKOA

Ezten atzokoa

nere malkoa.

Bart nere gelan

sartu intzananean,

negarrez billa nindunan.

Ire arpegi maiteak,

izu-ikara,

ildakoen itxura

artu ziñan.

Baiña exeri adi.

Ezten atzokoa

nere malkoa.

Ik eztakin, maitea,

zein leize sakona dan

nere gogoa!

Ez zaidan galdetu.

Ailperrik uke.

Eztin iñork galdetzen

zenbat ur-tanta

ditun itxasoak.

Ailperrik den

izarrak zenbat diran

kontatzen astea.

Beti zegon zeru beltzean

arutzago,

beste bat gordea.