BEGIAK MALKOETAN

Begiak malkoetan,

biotza zotiñez,

emen naukazu, maite,

zu ikusi eziñez.

Begiak malkoetan,

biotza zotiñez,

zure oroitzak nauka

biotzeko miñez.

Egunak luze dira,

gabak lorik gabe;

kezka larria daukat

nere biotz jabe.

Egunak luze dira,

gabak lorik gabe;

maitasunak egin nau

ni zure mirabe.

Itxasoko olatuak

zure galdez dira,

apar zuria dute

arro eguzkira.

Itxasoko olatuak

zure galdez dira;

nere burutapenak

zugana urrutira.

Ain minbera dituzu

biotzen zauriak!...

Ixillik lotzen zaitu

maite lokarriak.

Ain minbera dituzu

biotzen zauriak!...

Urrutitik aditzen

ditut intziriak.

Zapalduko dituzu

lur ez-ezagunak;

burutikan joango

zaikzitzu lagunak.

Zapalduko dituzu

lur ez-ezagunak;

baiña nik ezin aztu

gure maite-egunak.

Lurpean ustelduko

dira nere ezurrak;

elurrak zurituko

dizkigu gaillurrak.

Lurpean ustelduko

dira nere ezurrak;

baiña nun-nai jarraiko

dizu nere agurrak!