EZTAI-GIRO

Artzai Oneko elizan eta

Otsaillaren biotzean,

bi lore gazte alkartu dira

kristau ezkontza legean.

Urra labiru labiru lena;

urra labiru labiru len.

Gaur sortu duten lokarri ori,

orain iñork ezin eten.

Senar berria Nikasio ta

emaztea Mari Jesus;

oien arteko eztai giroa,

ezin eros leike diruz.

Urra labiru labiru lena;

urra labiru labiru len.

Sorgiñak dabiltz aidean eta

aurren bat badegu aurten.

Negu erdian biotzak bero;

eztegu elur bildurrik.

Otzak ez die aurten galduko

ezkonberriei ezurrik.

Urra labiru labiru lena;

urra labiru labiru len.

Zeruak lagun dezaizuela

zorion ontan bizitzen.

Gaurko poz onek iraun dezala

zuentzat beti argitan;

biotzak maite-eztaietan da

seaskak, lore berritan.

Urra labiru labiru lena;

urra labiru labiru len.

Miretxu ala Xabiertxo bat...

Zein jaioko ote da lenen?