64.

Andra alargun olloduna

                        (Ensayo de la Poesia bascongada en algunas Fábulas. 4)

Andra alargunak etxian

eukan zori onian

ollo arrautzarija.

Zan, bai, ikuskarrija

beti beti imintia

egunoro arrautzia.

Dino bere artian:

—«Emoten jakonian

aldi baten artua

arrautza egunekua

badau beti iminten,

zer, baldin eruaten

badeutsat nik bi bider?

Arrautza bat ezda ezer.

Emonik jaateko bi

Egingo nau bai ni

arrautza biren jaube.

Zelan asmau ez dabe

lenago onlangorik?».

Alan, zoro zororik,

gizendu zan ollua

eta arrautza batekua

alpertu zan guztija.

        Moralidad

Beti izanda egija:

larregi billatutia,

daukana galdutia.

Andra alarguna ta Olloa

                        (Bizenta Mogel, Ipui Onac, 1)

Andra alargunak etxean

zedukan zorionean

ollo arrautzaria.

Zan bai ekuskarria

Egunoro ipintzea

Utsik gabe arrautzea.

Dio pozez bere artean:

—«Ematen diodanean

aldi batez artoa

arrautza egunekoa

badit beti ipintzen;

zer baldin eramaten

badiot nik bi bider?

Arrautza bat ez da ezer:

emanik jan aldi bi;

egingo ere nau ni

andi biren jabe;

nola asmatu ez dube

gauza onelakorik?».

Ala ero erorik

gizendu zan olloa;

ta arrautza batekoa

alpertu zan guzia.

Beti izan da egia:

Geiegi billatzea,

ezer gabe gelditzea.

Andra alarguna ta ollo arrautzagillea

                        (J.M. Zabala, Fábulas en dialecto Vizcaino, 4)

Andra alargunak eban

zorionez etxean

ollo arrautzaria:

ta zan ikusgarria

egunoro ifintea

utsik baga arrautzea.

Diño bere artean:

—«Emon jeutsaadanean

aldi batez artoa

arrautza egunekoa

beti jeustak egiten:

Zer bada, eroaten

bajeutsaat nik bi bider?

Arrautz' bat ez dok ezer

emonik janaldi bi:

egingo bere nok ni

anditzar biren jabe.

Zelan bada ez jabek

asmadu onangorik?

Alan ero erorik

gizendu zan olloa:

Ta arrautza batekoa

alpertu zan guztia:

Beti izan da egia

Geiegi billatzea

utsean geratzea.

Andra alarguna eta ollua

                        (J.A. Uriarte, Poesia bascongada, 1)

Andra alargunak etxian

Eukan zorijonian

Ollo arrautzarija.

Zan bai ikusgarrija,

egunoro imintia,

utsik baga arrautzia!

Diño pozez bere artian:

—«Emoten deutsadanian

baten bakarrik artua,

arrautza egunekua

badau beti imiñiten,

zer, baldin nik eruaten

badeutsat artua bi bider?

Arrautza bat ez da ezer.

Emon ezkero janaldi bi

laster egingo bere nau ni

arrautza andi biren jaube.

Zelan asmau ez ete dabe

onelako gauzarik?».

Alan ero erorik

gizendu zan ollua;

ta arrautza batekua

alpertu zan guztija.

Beti izan da eguija:

geijegi billatzia,

ezer baga gelditzea.