Ipuin 44.a

Leoe eta azeri batena

        Leoe batek begitandu eragin gura eban gaixo zala, ta erakarten zituban bera ikustera patari ta aberiak zalako euren buru ta errege; baña etozan legez ill ta irunsten zituban. Eldu zan leza aurrera azeri askotako bat.

        —Erdu aurrera —dirautsa leoiak—.

        —Ez ni —dino azerijak—.

        —Ze gaiti, bada, ez? —erregutau eutsan leoiak—.

        —Dakustazalako sartuten dirianen oñatzak, ta ez urteten dabenenak —zirautsan azeri asko jakinak—, ta gorde eban buruba.

        Ipuin onek dino besteen kalte, arrisku ta gatx etortetati ikasi daigula geure gorde bidia.

                Besteen gatxetan ipini egizuz begijak,

                ta ikustzu nundi dirian etorrijak.