NERE POZAREN AUNDIA!

Zartzale naiz ta

        Zer dela bide ba?

        Adi zazu: ene adixkideterik batek eman dit euskar-gutun xar-xar bat erraten zidala. Ikus zazu emen erdaraz eta euskarazko «Kristioren dotriña» xaarra; orain duela irureun urte egina. Ez bide duzu olako gutun xaarrik irakurri?

        Eskerrik asko, gutuna artu niolarik, adixkideari erran ta asi nintzaion gutun azal ximurtu ta aspilduari, alde guzietarik begira, gaixo gutun xaarra! erdi larrutua eta adinak oritua edo sukalde xokoan ekeztatua. Jainkoak daki, ainbat gertakarien lekuko izandu den idaztiño xaarra!

        Aren adiña, aren egilea eta sorterria jakin naiez ideki eta edatu nition orriak eta orduan ene pozaren aundia: Nafarroko erri geienak euskeldunak zirelarik egina, 1626garren urtean, eta Utergako abadea Juan de Beriain-ek egina.

        Mintzaldi buruan «Irakurleari» dio erdaraz: «Lo segundo escribo en bascuence porque no ha habido nación en todo el mundo, que no se haya preciado de la lengua natural de su patria, y de enseñarla en las escuelas a leer y escribir.»

        Geroxago dio «...y según consta del admirable principio y misterio de la capilla santa de San Miguel de Excelsi, y se refiere de un compendio sacado de sus archivos y escrituras y Autores graves. Tubal Hijo de Japhet, que fué hijo tercero del justo y perfecto Noé, habló y enseño en este Reyno la lengua de Bascuence y después acá hasta el día de hoy se ha conservado en la muy noble ciudad de Pamplona y en toda la tierra Bascongada».

        Orain, zuek ikusteko nolako izkeraz dagon egina, emagun zatitxo bat.

        «G. Cer escacendioçu erratenduçunean gure egunorosco ogia eman draçaguçu egun?

        R. Principalquiro escacendiot arimaren eguia bayta aldareco Sacramentua, ceñec mantenacen baytu arima...

        G. Cembat motas vssatçen du Christioak señale onesas?

        R. Bi motas.

        G. Ceyn dirade orihec?

        R. Yrur gurutçe eguitea escuyeco beaz andias, Lembiçicoa becoquian, Bigarrena agoan, Irurgarrena bularretan minçaçen dela Iaungoycoarequi».

        Oraiko aski ta barkatu, irakurle maite.

Larreko