TTAU TTAU TTAU

 

Hiruzpalau xerri hazteko

Ez dira denak gizenduko!...

Bat ekarri dut zuendako

Gizenduta berriz hartzeko!...

 

Zergak direla goitituko...

Ixtantean zer geldituko?...

Aurten galtzak saldu beharko,

Eta galtsoinak berriz noizko?...

 

Nolaz diren ttipiak ttipi?

Astoak ere hori daki!...

Hoinbertze zama du ibilki

Eta zamak zapatzen beti...

 

Gizon galantezkoa klika

Eta zoin ederra musika!...

Nik ez dakit nola esplika

Frantziako Errepublika...

 

Gain hoietan bada arrano

Han daude kasatu artino!...

Bozka hoitan izan zen lano

Bainan dena han oraino!...

 

Paristar batek dena begi:

Galdegin nun da Behorlegi?...

Ta nik arrapostu polliki:...

Behar ote duzu errosi?

 

 

      1978.ean egina. Garaziko errepika bat hartuz.

      Arrailleria edo erdi trufazko kantu huntan jende xeheak zirtoka ostatuan diozkan erran edo iritzi batzu agertu nahi izan ditut. Jende xeheak ere badu bere jakitatea edo filosofia.