LIBRO OMEN GIRA

 

            Libro! libro! libro!

            Omen gira

            Libro gure Herrian!

            Bainan libertatea

            Zendako, zendako?

 

 

      I

 

Entzun aspaldidanik

Heldu den oihua!

Maita eta zerbitza

Hire sor lekua!

Irrintzin luze horri

Dugun abots egin

Gora ta gora beti

Gora Eskual-Herri!

 

 

      II

 

Denek dakiguna da

Zaldi gazteak ere

Libro uzten direla

Untsa hezi eta!

Gauza garbia orai

Gure herriak ere

Untsa heziak dira

Gaztez hustu eta!

 

 

      III

 

Ez da libertatia

Aski bizitzeko

Azkar izanez gira

Bai berriz piztuko!

Euskaldun gazteria

Hartu bai Herria

Hemen galditzen bahiz

Baita askatuko!

 

 

      1968.ekoa. Hainbeste aldiz entzuten baiginuen ongi pentsatzen zutenen ganik. «Zeren ondotik zabiltzate hola? Ez duzue ikusten libertatean garela? Nungo libertatea nahi duzue?». Libertate faltsuaren desmistikatzeko egin nuen kantu hau, erakutsiz etzanik dena libro uzten dela bainan xutitzen dena ez.

      Beti orroituko naiz Donibane Garazin ospatu zen urte hartako «Euskualtzaleen Biltzarrerat» deitu nindutela kantatzeko. Eta eskuzarten artean arima on batzuen xixtuak ere izan zirela.