SAGUTXO

 

Lotan goxoki nindagon batez

Indar herriak hartu beharrez

Atzarri nintzan kasik nigarrez...

 

            Kirri, karra, kirri,

            Zer da hortxe ageri?

            Kirri, karra, kirri,

            Sagutxo lanean ari!

 

Murru xokoan zagon sagutxo

begi bien dirdiraz neri so...

Uste baitzuen nindaikela lo!

 

Ixil ixila ohe barnean

Bihotza naukan arras bakean

Ama baitzagon nere ondoan!

 

Zer egin orduan lokartzeko?

Beldur ororen haizatzeko?

Gatua dut eskarniatuko!     (Miau eginez).

 

 

      1965-66.an egina. Pentsatuz gure haurrek behar dituztela beren adinari doatzin kantuak, jostagarri, irringarriak eta saguak bait du bere beharri xut, buxtan luxearekin halako kuriositate bat...