NOLA BIZIKO?

 

            Nola biziko zen familia

            soldata trixte batekin

            Jana egin eta egon lekua

            zerekin paga ez jakin...

 

Ez badira denak zubi azpitan

Ez baitira denak beren etxetan

Aitak emanik esposatzeko

ez baitut berez kondenatuko!

 

Ez da ez zuena

Ez eta lehena

Zuen oraiko ezin bizi hori!

Ez da ez biderik

segur ez bertzerik

Ezin onartua behar da hori!

 

Lehenik batto, oraitik biga

Haurrak ere sortzen dira

Eta familia xume hortan bada orai arrangura.

Zer gerta liteke bi haurren aitak

—hau gertatzen dena— lanik ez balu

Goiz eder batez jakiten badu

lantegian lanik ez dagola.

 

Ezin biziak, ixil-ixila,

nola gaituen hunkitzen!

Hanbat euskaldun Euskal-Herritik

baititu errex botatzen...

Ai Zorigaitza! Zeru beltz hori.

Etzinuke, alta, pentsatu nahi,

asko bezala zu ere bihar

joanen zarela eginez nigar...

 

 

      1975.ekoa. Ortziken ikusgarriko egina. Nere eskolako lagun batek bere lana galdu zuenean, lantegia hetsirik. Eta zenbat holako, hoben gabeak!