OLENTZERO

 

OLENTZERO jin zauku menditik herrira

Zahar gazte guzien alegeratzera.

Utziz mendian elur

Euri ta haizeak

Aise naiago ditu suparter pindarrak!

 

OLENTZERO! OLENTZERO!

 

            Tra-la-la-la...

 

Urketako herria baitzaio pollita

Gaur hemen afaltzeko gelditzen omen da!

Esne broskatua du

Horrek bere friko

Eta gaztain erreak ditu maite asko!

 

OLENTZERO! OLENTZERO!

 

            Tra-la-la-la...

 

Olentzerok irri bat beti haurrendako

Bere bizar haunditik baitu aterako!

Eta bere zarpatik

Du berdin botako

Prestu diren haurrentzat oñ oñ goxo asko!

 

OLENTZERO! OLENTZERO!

 

            Tra-la-la-la...

 

 

      1975.ekoa. Urketan olentzeroa abiatu ginuelarik, xokoz xoko, euskaldun dantzari ttipi batzuekin.