PANPIÑA

 

Panpiña pollit bat dut Eguberriz ukana

ile luzeak ditu begi biak gaztaina!

 

Etzanik ezarrita begiak hesten ditu

Haren ondoan orai dakit nola lokartu!

 

Zaia luze batekin jauntzia da Panpiña

Nik ere nahi nuke harenaren berdina!

 

Anaia ez delarik enekilan jostatzen

Panpiña horren ganat naiz orduan hurbiltzen...

 

Ohean luzatuta matela matelari

Hola lokartzen gare so izar berdinari!

 

 

      1985.ekoa. Euskal Herrian gure haurrentzat ez dugulakotz hanbat kanturik panpiñak haur bati emaiten dion atseginaren aipatzeko. Orroituz ere nere haurrek zer begi ona egin dioten berenari.