JAINKO LAURDENIK EZ!

 

Jainko laurdenik ez baituzu

Nihoiz nahi’izan adoratu

Anuntziorik gabetan

Zintuzten zu lurperatu!

 

         Bainan, bainan nik kantatzen

         Ez dela hola egiten:

         Ene kezka larri huntan

         Zu ere zaitut ikusten.

 

Etxekoeri bakea zor zinuela lehenik

Utzi zaituzte joaiten

Lanik gabe sor herritik!

 

Zure lagunekin betan

Erran baituzu egia

Herriko jautto batzuek

Moztu dautzute bidea!

 

Geroaren adarrari

Ari zarena tiraka

Mehatxuz eta presondegiz

Ari zaizkitzu kolpeka!

 

Gure Herria altxa nahiz

Noretzat ote hori kalte?

Emazte, haur eta etxe

Debakatzen dauzkitzute!

 

 

      1974-75.ekoa. Baionan egin ziren iheslarien aldeko gose greben ondotik, hor hola beren buruak eskaintzen zituzten guzien soleigarri bezala.