JO TXIXTUA

 

Jo txixtua ttunttun makilekin:

Ta horra: gazteak elgarrekin

Dena kantu dantza eta irrintzin

Airoski goazen beti gaztekin!

 

            Gazteak Euskalerrian

            Biziko diro lorian

            Aberats dira bihotzez

            Eta lerdenak gorputzez,

            Ez dira lotsa leneko

            Ez eta borrokatzeko

            Biziko baita biziko

            Euskalerria oraino!

 

Aupa goazen guziak airoski

Guziek dezagun ikasi

Nola so egin biharamuneri

Izan diten lore eta iguzki.

 

 

      1963.an egina. «Euskaldun Xoriak» udalekuarentzat. Euskaldun gazteria goraipatzeko eta geroa eder egiten sustatzeko.