ADIOS MAITEA

 

            Adios maitea

            Adios lagunak

            Etorri da urrun joaitea

            Bainan ere agian berriz

            Itzultzia.

 

 

      I

 

Pietunak ekarri zuenean

Armadarako galdea

Ez nakien nola gorde

Bihotzeko ilun betea

Hor utzi behar bainuen

Ait-ama haurriden xokoa

Ta hoiekin batean

Zu, nere maitea.

 

 

      II

 

Bihar zuetarik urrundu-ta

Treinez joanen naizenean

Badakit oraidanik

Zer dukedan nik gogoan

Asteko lan dorpea utzirik

Gazte lagun guziak plazetan

Ta ni berriz hantxetan

Kaserna barnean.

 

 

 

      1965 eko udan egina, Brives-eko kaserna militarrean, ahal nolaka. Soldado gai lagunak beren gelan ziren, bakotxak bere irratia entzunez, gogoa ilun aire. Nik ere bai, eta pentsatuz bazitezkela kasu berdinean biga bost izanak, horrela egin nintuen hitz hauk eta bere airea.