EZ DA BERRIA ENE KANTUA

 

Ez da berria neure kantua

Oinaze hau dut aspaldikoa

Ez dut ikusten zuzentasunik

Haundiek baitute leherturik

Ez eni aipa mendi sainduko zer dohatsurik

Noren eskutan dira makilak?

Eta norentzat beti nigarrak?

 

Ez dut ikusten zuzentasunik

Ez munduan ez Euskal Herrian

Español frantses, bi otso haundi

Hor dira nahiz jan gure ardi!

Nun dira hemen Herri huntako gizon zuzenak?

Noizko dituzte beren ekintzak

Ta noizko ere beren otoitzak?

 

Ez eni aipa mendi sainduko

prediku baketsu dohatsurik

Presondegitan dagon anaiak

Baduke segur bertze ametsik...

Gure xedea izan dadila iratzartzeko

Euskal Herria ez da zatitzen

Nun ez gaituzten guziak hiltzen!

 

 

      1974.ekoa. Ortziken ikusgarriarentzat asmatua otoitz kexu baten gisarat. Ikusgarri horretan erakutsi nahi baiginuen nola Historian barna galdu dugun Euskaldunek. Galtze horren bilduma bezala moldatu Kantua.

      Kantu hau begitan zukeen hain segur Lafitte jaun kalonje zenak bere kasetan ostiko bat igorriz gure ikusgarriari, ustez eta Euskal Herri fede gabe bat nahi ginuen eraiki. Ala, espres arizan zen gure alde publizitate gehiago egiteko?