AGUR ESKUAL-HERRIA

 

Mendi gainetarik agur

Eskual Herria!

Xuri, perde, gorri,

Agur sor lekua!

Holaxe duzu eskaintzen

Beti zure irria,

Mendez mende baituzu atxiki,

Zure mintzaira garbia,

Hortakotz zaude egun ere

Osoki Eskual-Herria!

 

Itsas bazterretik ere

Agur sor lekua!

Zurekin daukazu

Itsaso haundiaren oihua!

 

Itsasoz itsaso, egin duzu bide

 

Amerika eta indietan barna,

Agur sor lekua!

 

Elkano zure semeak

Egin zuen lehen aldiarendako

Munduaren itzulia!

San Frantses’ek aldiz

Jakin arazi urrunera,

Kristoren mezu berria!

 

Zure mintzo garbiaren gatik,

Zure bihotz zabalaren gatik,

Agur Eskual-Herria!

 

 

      1963 ekoa. Akizeko seminarioan ginelarik lau bost ikasleen artean muntatu ginuen Euskal Herrian gaindi izeneko entzun-ikuski bat diapositiba eta manetofona batekin. Emanaldi horrentzat Euskal Herriaren bilduma agertzeko bezala.